လူနာကလေး ကောင်းကောင်း

ဟိုတစ်နေ့ မြေနီကုန်းသွားပြီး အပြန်မှာ ကားမူးပြီး အန်ပါတယ်။  နောက်ပိုင်းတော့ ခပ်မှိုင်မှိုင်လေး ဖြစ်နေပြီး အိပ်နေတာများတယ်။   နောက်တော့ သူ့အဖွားကို ပြောပါသတဲ့  “သားသား ဗိုက်နာတယ်၊ ဆေးဝယ် တိုက်ကြပါဦး” တဲ့။ ကဲ။   ဒါနဲ့ပဲ ဆေးခန်းသွားပြရရော။  ဆေးခန်းမှာ ထိုင်စောင့်နေရင်း အရုပ်သည်လာလို့ အရုပ်ပူဆာပါတယ်။ သူအကျင့်ကောင်းတာက ရုပ်ပျက်ဆင်းပျက် ငိုငိုယိုယို မရှိပါဘူး။ လူကြီးကဘဲ သနားပြီး ၀ယ်ဝယ်ပေးတာ မြန်လို့လားတော့မသိ။  လေမှုတ်ပလပ်စတစ်ဓါးတချောင်း ၀ယ်ပေးတော့ ကိုင်ထားပြီး “ကရုပ်ကြီး”ါ်ကရုပ်ကြီး” လို့ ရွတ်နေပါတယ်။  ကျမနဲ့ အမေက တော်တော်နဲ့ နားမလည်။  နောက်ကျမှ ကုလားအုပ်ကြီး လိုချင်တယ်လို့ ပြောတာကိုး။  သားသား တခုပဲရမယ် ဓါးလား၊ ကုလားအုပ်လား ဆိုတော့  တွေတွေလေး စဉ်းစားပြီးမှ “ကရုပ်” တဲ့။  ဒါနဲ့ပဲ အရုပ်သည်လေးကို တောင်းတောင်းပန်ပန် ပြန်လဲ ပေးလိုက်တယ်။  သူကတော့ ပျော်လို့မဆုံးဘူးပေါ့။  ပြီးတော့ သူ့အကျင့်အတိုင်း ကစားစရာအသစ်ကို ခြင်ထောင်ထဲမှာ ထည့်အိပ်ပါတယ်။

ဆရာဝန်က သူ့ကိုစမ်းသပ်ပြီး သောက်ဆေးတချိူ့ပေးတယ်။ ကွေကာအုပ်အပြင် နွားနို့၊ အိုဗာတင်း၊ ပဲနို့ ဖြည့်ကျွေးဖို့ပြောတယ်။ ဒါနဲ့ပဲ သူ့အတွက် ဆိုင်က အိုဗာတင်း တစ်ဘူး ၀ယ်လာလိုက်တယ်။  သိပ်မကြာပါဘူး သူလည်း နေကောင်းသွားတယ်။  

ဓါတ်ပုံထဲက နာရီလေးက ကျမ ဘန်ကောက်က ၀ယ်လာတာပေါ့ နာရီအစစ်လေးကို ရော်ဘာပျော့လက်ပတ်ကလေးနဲ့ ဘတ်၁၅၀ ထင်ပါရဲ့။  ကားကလေးက သူအကြိုက်ဆုံး ကစားစရာထဲက တစ်ခု။  သူ့အဖိုးနဲ့ လမ်းလျောက်ထွက်တိုင်း ဒီကားကို ယူသွားရမှ။

သူက ကျွန်မနဲ့ ရင်းနှီးလာတော့ တူတူပုန်းကစားရအောင် ခဏခဏ တောင်းဆိုပါတယ်။  သူပုန်းနေတာကို မမြင်ချင်ယောင်ဆောင်ပြီးရှာရင် သိပ်ကျေနပ်တာပါ။  အောက်ကပုံက ပုံးနေတဲ့ ဖျာလိပ်ထဲက ထွက်လာတာလေ။

တခါတခါတော့ သူများကို သူ့နှစ်ရာတန် ကင်မရာစုတ်နဲ့ ဓါတ်ပုံလိုက်ရိုက်နေသေးတာ။

ဓါတ်ပုံရိုက်လို့မောသွားတော့လည်း ဖျာပေါ်မှာ ပိုးလိုးပက်လက်။ 

 

အင်း ကောင်းကောင်းတောင် မျက်စေ့အောက်မှာ အတော်ကြီးလာပြီ။  မူကြိုကျောင်းရှာဦးမှ။ အိမ်နဲ့လည်း နီးမှကောင်းမယ်။ အသင်အပြလည်း ကောင်းမှ။ စည်းကမ်းလဲကောင်းမှ။ မှ...မှ.....မှ.......မှ

ကလေးတယောက်အတွက် မိဘတွေ ဘယ်လောက်ခေါင်းစားရမလဲဆိုတာ ကိုယ်ချင်စာမိစပြုလာခဲ့ပါပြီ..။

ဒေါက်တာ ရမ်းကု ကောင်းကောင်း

အခုတလော ကောင်းကောင်း နည်းနည်း ပြည့်လာ ၀ လာတယ်။ ၂၅ ကီလို ကျော်နေပြီ။ ၀ါစိမ်းနီ ကပ်ပြား ထဲမှာ အ၀ါနယ်စပ်ကနေ အစိမ်းနယ်စပ်ထဲကို ၀င်လာပြီ ဆိုပါတော့။ 

ပြီးတော့ အခုတလော သူ့ရဲ့ စိတ်ဝင်စားမှုက သွေးပေါင်ချိန်တာဖက်ကို ရောက်နေပါတယ်။ သူ့မှာ ချစ်စရာကောင်းတာလေး တခုကတော့ တခုခုကို လုပ်ချင်ပြီဆိုရင် လူကြီးကိုခွင့်တောင်းတတ်တာပါ။ “မေမေ၊ သားသား သွေးပေါင်ချိန်ချင်တယ်” လို့ လာပြောစက အသံမပီတော့ ချက်ချင်းနားမလည်ဘူး။ ကျမ နားမလည်လို့ ထပ်ထပ်မေးတော့ သူက ဒါပဲ ထပ်ပြောနေတယ်။ ငါးခါလောက်ပြောမှ သဘောပေါက်သွားပြီး ”အေး၊အေး၊ ချိန် ချိန်” လို့ပြောတော့ သွေးပေါင်ချိန်ကိရိယာကို ၀မ်းသာအားရ ဘီရိုထဲက သွားယူလာပါတယ်။ သူ့အဖွား (သို့မဟုတ်) အဖိုးကို အိပ်ယာပေါ်အတင်းလှဲခိုင်းပါတယ်။ လက်မောင်းပတ်ပတ်တာ၊ နားကြပ်တပ်တာ၊ နားကြပ်ဝိုင်းလေး ထိုးထည့်တာကအစ ၀က်အူရစ်လေးလှည့်တာအထိ လူကြီးတွေ လုပ်သလို အတုခိုးပြီး လုပ်ပါတယ်။ “ကြားရလား” မေးတော့ “မကြားဘူး” တဲ့။ “သွေးပေါင်ဘယ်လောက်ရှိလဲ” ဆိုတော့ ” တရာ့တဆယ်” တဲ့။ အဲဒါလည်း လူကြီးတွေ ပြောတာကို သူမှတ်ထားတာပါ။

သူ့အဖေ ၀ယ်ပေးတဲ့ ခြေနဲ့ယက်တဲ့စက်ဘီးကိုတော့ သူတော်တော်ကြိုက်ပါတယ်။ အိမ်ပေါ်မှာ လှည့်ပတ် စီးနေတော့တာပါဘဲ။

 တခါတခါ အဖေနဲ့ ကွန်ပြူတာ လိုက်ကြည့်တတ်တယ်။ သူအကြိုက်ဆုံးကတော့ Evian ရေသန့်ကြော်ငြာ Animation ဗီဒီယို လေးပါ။ ကလေးလေးတွေ ခုန်ပေါက်နေကြတဲ့ ကြော်ငြာလေးမို့ ထင်ပါရဲ့။

သူအကြိုက်ဆုံး ကစားနည်းတွေကတော့ မွေ့ယာပေါ် ခုန်ပေါက်ကျွမ်းထိုးခြင်းနဲ့ တူတူပုန်းခြင်းတို့ ဖြစ်ပါတယ်။  ကြည့်ပါဦး ပုန်းတာက မှန်နောက်မှာ။ လူကြီးတွေက မမြင်ချင်ယောင်ဆောင်ပြီး ဟိုရှာသည်ရှာ လုပ်ပေးရင် သူအရမ်းပျော်ပါတယ်။

 

ကောင်းကောင်းက စီပီကြက်ကြော်ကို သိပ်ကြိုက်ပါတယ်။ နူးအိနေလို့ ထင်ပါရဲ့ ။ လူကြီးတွေ အပြင်သွားဖို့ ဖိနပ်စီးနေရင် သူ့ဖို့ ကြက်ကြော်ဝယ်လာပေးပါလို့ သူက မှာတတ်နေပါပြီ။  “ကြက်ကြော်၊ ကြက်ကြော်” တဲ့။  တခါတလေ ထမင်းတောင် ကျွေးတာမစားဘဲ စောင့်နေတတ်ပါတယ်။

ကောင်းကောင်းက ကူညီချင်စိတ် အလုပ်လုပ်ချင်စိတ်ရှိတယ်။ ညနေစောင်းတာနဲ့ အမှိုက်သွန်ဖို့ သတိပေးနေကြ။ အမှိုက်သွန်ရင် သူက ပုံးသေးသေးလေး ကိုင်ပြီး လိုက်ပါတယ်။ မီးဖိုချောင်ထဲမှာလည်း ဒါးတုံးတုံး တချောင်းပေးထားရင် ဟင်းသီးဟင်းရွက် အပိုတွေ အရင့်တွေကို  လှီးဖြတ်ပေးတတ်ပါတယ်။

တခါတလေကျရင် “ဂီတ တံခါးလေး ဖွင့်ပါဦး” အခွေ ကြည့်ချင်တယ်လို့ လာပြောတတ်သေးရဲ့။ ကြည့်ခွင့်ပေးလိုက်ရင် သူ့ဖာသာ အခွေမှန်အောင် ရွေးတတ်ပါတယ်။ သူ့ဖာသာ အောက်စက် တီဗွီဖွင့်ပြီး ကြည့်ပါတော့တယ်။ လူရွှင်တော် ကိုအရိုင်းက “အပြာလေး၊ အပြာလေး” လို့ နောက်တာကိုလည်း သဘောတကျနဲ့ “မေမေ အပြာလေး အပြာလေး” လို့ ပြောပြီး ရယ်နေတတ်ပါတယ်။  ပထမရတဲ့ အယ်နီရှိုင်း နဲ့ ဒုတိယရတဲ့ အက်စတာဒွေး ဆိုတဲ့ ကောင်မလေးတွေကိုလည်း သူသဘောကျစွာနဲ့ အမေကို လက်ညှိူးထိုးပြတတ်ပါသေးပါတယ်။ အခုထဲက ယောက်ျားလေး ဇာတိပြနေပြီလေ  :-)

ဒါ့အပြင် သူ့လေးလေး မင်းမင်းသင်ထားပေးလို့ How are you? နဲ့ My name is Kaung Kaung ကို ပြောတတ်နေပါပြီ။ (မိုင်နိမ်းအစ်စစ်ကောင်းကောင်း) တဲ့။ သြော်- မတတ်ဘဲ ရှိပါ့မလား။ သူတောင် သုံးနှစ်ပြည့်တော့မယ်လေ။

လူရည်လည်လာတဲ့ ကောင်းကောင်း

ကောင်းကောင်း နှစ်ခါလည်ကျော်တော့ ကျမတို့ ကမာရွတ်ကို အိမ်ပြောင်းပါတယ်။ လေးထပ်ကနေ မြေညီထပ်ကို ရောက်လာတာဟာ သူ့အတွက် ကံကောင်းမှု တခုလို့ ပြောရမယ်။ လမ်းထဲက ကလေးတွေ လူကြီးတွေကို သူ အမြဲမြင်နေရတယ်။ ထိတွေ့နေရတယ်။ အားလုံးကလည်း သူ့ကို ချစ်ကြတယ်။ ဒါဟာ သူ့အတွက် မြန်မြန်ဆန်ဆန် တိုးတက်ဖို့ ဖြစ်လာတယ်လို့ ဆိုရပါမယ်။ အိမ်ရှေ့က ဖြတ်သွားသမျှ ဈေးသည်တွေ အော်သလို လိုက်အော်တတ်ပါတယ်။ အလေးချိန်ကတော့ နှစ်နှစ်ကနေ နှစ်နှစ်ခြောက်လအထိ ၂၂ပေါင် ၂၃ပေါင်မှာပဲ တန့်နေပါတယ်။ ၀ါစိမ်းနီ ကတ်ပြားထဲမှာ အစိမ်းထဲ မ၀င်သေးဘူး ပြောရမှာပါ။ ဒါကလည်း မကြာမကြာ နေမကောင်း ဖြစ်နေတတ်လို့ပါ။ နေမကောင်းဖြစ်တာနဲ့ ကာကွယ်ဆေးထိုးတာနဲ့ အမြဲကြုံနေလို့ ကာကွယ်ဆေးတွေက သုံးနှစ်ပြည့်ခါနီးမှ စုံသွားပါတော့တယ်။

အီအီး၊ ရှူရှူး သန့်လာခြင်း

အဲဒီကိစ္စကတော့ တော်တော်လေး ခက်ခဲခဲ့ပါတယ်။ အဖွားပိန်က အလိုလိုက်တော့ သူက ဆိုးချင်ပါတယ်။ ရှူရှူးကို ပန်းချင်ရာပန်းတတ်ပါတယ်။ ခွက်နဲ့တည်ပေမဲ့ အပြင်ကိုထုတ်ပန်းတတ်ပါတယ်။ အီအီးဆိုလည်း မပြောမဆိုနဲ့ ပါချတတ်ပါတယ်။ “ရှူရှူးအီအီးပါချင်ရင် ပြောရမယ်နော်”လို့ ပြောထားပေမဲ့ ပြီးမှဘဲ အော်ခေါ်တတ်ပါတယ်။ သူအမြဲခေါ်တာကတော့ ဖွားပိန်ပါဘဲ။ သူ့အီအီးကို သူအလွန်ရွံတဲ့အတွက် (မတ်တပ်ပါချပြီးနောက်) ခြေနှစ်ချောင်းကို ကားထားပြီး လူကြီးမလာမချင်း မလှူပ်မရှက် ရပ်နေလေ့ရှိပါတယ်။ ရေဆေးရင်လည်း တခါနဲ့မရဘဲ အကြိမ်ကြိမ် ဆေးခိုင်းပါတယ်။

ဒါပေမဲ့ သူ့အဖေဖက်က အဖွားတွေ ဆေးကုလာရင်း အဲဒီ အီအီးမသန့်တဲ့ အကျင့်ကို ကြိမ်းတဲ့အခါ နည်းနည်းတံ့လာပါတယ်။ နောင်အဲဒီလုပ်ရင် စည်းကမ်းချဖို့ သူတို့ အိမ်ပြန်တဲ့အခါ ခေါ်သွားမယ်လို့ ဆိုတဲ့အခါမှာတော့ လုံးဝနီးနီး ပြုပြင်ပြောင်းလဲ သွားပါတော့တယ်။

အဖိုးနဲ့ လမ်းလျှောက်တတ်ခြင်း

ကျမတို့ တိုက်ခန်းတွဲတွေရဲ့ ပါတ်လည်ကို ညနေတိုင်း အဖိုးနဲ့ လမ်းလျှောက်တတ်ပါတယ်။ သူ့အဖိုးက တနေကုန်ဘုရားမှာ နေလေ့ရှိတာမို့ ညနေစောင်း ပြန်လာတိုင်း လမ်းလျှောက်ဖို့ အဆင်သင့်စောင့်နေတတ်ပါတယ်။ ရေချိူးတာကြာနေရင် အော်ခေါ်ပြီး လမ်းလျှောက်ဖို့ သတိပေးပါတယ်။ ထမင်းစားရင်လည်း အနားက တကျီကျီလုပ်နေပြန်ရော။ တခါတလေ သူ့အဖိုးက ထမင်းစားပြီးပေမဲ့ အခန်းထဲဝင်သွားပြီး လမ်းလျှောက်ဖို့ သတိမရတော့ရင် ၀မ်းနည်းလို့ မဆုံးဖြစ်နေတတ်ပြီး အရွဲ့တိုက်တဲ့အလုပ်တွေ (တီဗွီကို အနားကပ်ကြည့်တာမျိူး) လုပ်ပြီး၊ လူကြီးက ဆူလိုက်ရင် ငိုဖို့အကွက်ရသွားပါရော။ အဖိုးလည်း ကမန်းကတန်းထွက်လာပြီး လမ်းလျှောက်ရတော့တာပေါ့။

တီဗွီဖွင့်ပိတ်ခြင်း

တီဗွီဖွင့်တာ၊ အောက်စက်ပြောင်းတာ၊ အခွေ သွင်းတာ ထုတ်တာ ရနေပါပြီ။ အခွေထစ်ရင် ထုတ်ပြီး သူ့အကျှီစလေးနဲ့ သုတ်တတ်ပါသေးတယ်။ သူမကြိုက်တဲ့ အခွေကို “ဒီဟာ မကောင်းဘူး” လို့ ပြောပြီး အသစ်ပြောင်းတတ်ပါတယ်။ မစ်ကီမောက်စ်ကာတွန်းကို ကြိုက်ပါတယ်။ ကာတွန်းခွေကို “ပုကာ” တဲ့။ “ပုကာ ခွေ ကြည့်မယ် မေမေ တဲ့”။ တီဗွီက တို့တာဝန်အရေးသုံးပါးကို ကြားရဖန်များလို့ “ဒို့အရေး” တွေကို လိုက်လိုက်ဆိုပါတယ်။ နောက်တော့ အပြင်မှာ အလံတွေ့ရင်လည်း ဒို့အရေး၊ ကြယ်တွေ့ရင်လည်း ဒို့အရေးလို့ သူ့ဟာသူ မှတ်ထားပါတော့တယ်။ သူ့အကျီကလေးမှာ အလံပါတာမို့ “ဒို့အရေး အကျှီ” တဲ့။ မစ်ကီမောက်အရုပ်နဲ့ ဘောင်းဘီကိုတော့ “ပုကာ ဘောင်းဘီ” တဲ့။ သူကြိုက်တဲ့ အကျီင်္နဲ့ ဘောင်းဘီကို ဖွားပိန်က ရှာပြီးဝတ်ပေးရပါတယ်။

စိတ်ပိုင်း၊ ရုပ်ပိုင်း တိုးတက်လာခြင်း။

၂နှစ် ၂လမှာ - ကျမ ကွန်ပြူတာထဲက ကလေးတွေ ကြော်ငြာထဲမှာ ခုန်ပေါက်ကစားတာကို အားကျပြီး လေးဖက်ထောက်ပြီး ကင်းမြီးကောက် ထောင်ဖို့ ကြိုးစားတယ်။ ခြေ ၂ချောင်းလုံးတော့ ဘယ်ဟုတ်မလဲ။ တချောင်းထဲပေါ့။

၂ နှစ် ၄လမှာ - အိမ်နားက ဈေးကို အဖွားနဲ့ ဈေးဝယ်လိုက်တတ်ပြီ။ ထီသည်တွေ အိမ်ရှေ့လာတိုင်း အမြဲထိုးခိုင်းတယ်။ “ပေါက်မလား” လို့ မေးရင် ခေါင်းတဆတ်ဆတ်ငြိမ့်တယ်။ (တခါမှတော့ မပေါက်သေးပါဘူး)
၂ နှစ် ငါးလမှာ - ဒါဘယ်သူ့သားလေးလဲ လို့ မေးရင် မေးသူကိုလိုက်ပြီး ဖြေတတ်ပါတယ်။ အဖွားကမေးရင် “ဖွားဖွားသား” အဖိုးကမေးရင် “ဖိုးဖိုးသား” ဖွားပိန်ကမေးရင် “ဖွားပိန်သား” ကျမကမေးရင် “မေမေ့သား” သူ့အဖေမေးရင် “ဖေဖေ့သား” တဲ့။ လည်လိုက်ပုံ။ နှစ်နှစ်မပြည့်ခင်ကတည်းက အဖွားချောင်းဆိုးရင် ထွေးခံယူလာပေးတတ်တယ်။ တခါတလေ ထွေးခံပျောက်နေရင် သူ့လက်ဖ၀ါးလေး ဖြန့်ပေးပြီး အဖွားကို ထွေးခိုင်းသတဲ့။ ကဲ- သည်းသည်းမလှုပ် ခံနိုင်ရိုးလား။

၂ နှစ် ၆လမှာ- ၀လုံးတွေ ဘောပင်နဲ့ စာရွက်တောင်းပြီး ရေးနေပြီ။ ၀ိုင်းတော့ဘယ်ဝိုင်းမလဲ။ ပဲတီချဉ်ပေါက်ပေါ့။
၂ နှစ် ၇လမှာ - အိမ်ကို လှမ်းဖုံးဆက်တော့ သူလာကိုင်ပြီး “မေမေ နေကောင်းလား”တဲ့။ ကျမက အံ့သြတကြီးနဲ့ “ ကောင်းတယ်၊ ကောင်းတယ်၊ သားသားထမင်းစားပြီးပြီလား” ဆိုတော့ “စားပြီးပြီ” တဲ့။ “ဘာနဲ့စားလဲ” ဆိုတော့ “ကြက်သား” တဲ့။ နောက်ထပ်မေးတာတွေကိုတော့ “နားညည်းတယ် (နားအူတယ် ပြောချင်တာ နေမှာ)” ဆိုပြီး ထွက်ပြေးရော။ နောက်တခါ ဖုံးပြောတော့ “ဟောင်းအာယူ” တဲ့။ အလည်လာတဲ့ ဦးလေးက သင်ထားတာ။

၂ နှစ် ဂလမှာ-“ဖွားပိန် ဘာလုပ်နေသလဲ” တဲ့။ “ထမင်းချက်နေတာပေါ့ သားရယ်” ဆိုတော့ “သားသားကြီး စားဖို့လား” တဲ့၏ “ဟုတ်တာပေါ့ သားရယ်” ဆိုတော့ ဆက်မေးပါတယ်။ “ဘူးသီးရော ပါသေးလားတဲ့” သူကြိုက်တဲ့အစာကို မေးတာပါ။

၂ နှစ် ကိုးလမှာ- ကျမထမင်းပန်းကန်ထဲက ၀က်သားတုံးကို လက်ညှိုးထိုးပြီး “၀က်သားကုန်ပြီလား“ တဲ့။ သူစားချင်တယ်ပေါ့။

- နောက်ပြီး ပြောတာတွေ ရှိသေးတယ်။ “အာယူ ရယ်ဒီ” တဲ့။ သူများက “ဟက်ပီဘတ်ဒေး” ဆိုရင် သူက “တူယူ” လို့ ဆက်ဆိုတတ်တယ်။ အိမ်ရှေ့မှာ (၅) ရက် တရားပွဲလုပ်တော့ သူတော်တော်ရသွားတယ်။ အိမ်မှာ တယောက်က သြကာသ လို့ တိုင်ပေးရင် သူက “၀စီကံ” တဲ့။ တရားပွဲကို သွားထိုင်ပြီး ဝေတဲ့မုန့်တွေ အိမ်ကို ပြန်လာပို့လို့ ကျမက ဟန့်ထားရတယ်။ နောက်ပြီး သီလရှင်တွေ ဆွမ်းခံကြွလာရင် တခုခု လောင်းရမှ။ ဆွမ်းဆန်စိမ်းလောင်း လို့ လူကြီးတွေက မေ့လျော့ပြီး သူ့ကို ပေးမလောင်းရင် စိတ်ကောက်တတ်ပါသေးတယ်။

ကျမက သူ့ကို တတ်နိုင်သလောက် အလိုမလိုက်ဘဲ ပုံသွင်းပါတယ်။ ဘယ်ကိုသွားသွား ဖွားပိန်လို တချီချီမလုပ်ဘဲ သူ့ကို လမ်းလျှောက်စေပါတယ်။ သူကလည်း ဘယ်သူ့ကို တောင်းဆိုလို့ရမယ် မရဘူး ဆိုတာ သိပါတယ်။ ကျမနဲ့ ဆို မညီးမညူ လျှောက်ပါတယ်။ နောက်ပြီး အမှိုက်တွေကို အမှိုက်ပုံးထဲ ကောက်ထည့် စေပါတယ်။ အိမ်ကြမ်းပြင်ပေါ် ခုံတွေ လျှောက်တွန်းရင် “အစင်းတွေ ဖြစ်ကုန်မယ်၊ မတွန်းရဘူး၊ မ ပြီးသယ်ရမယ်” လို့ ပြောရင် သူနားလည် ပါတယ်။ တခါတခါ ဇွတ်လုပ်ကြည့်ရင် တုတ်သေးသေးလေးနဲ့ ခြောက်ရပါတယ်။ အဲဒါဆို သူ ချက်ခြင်း ရပ်သွားတတ်ပါတယ်။ စိတ်တော့ ကြာရှည်မကောက်တတ်ပါဘူး။

သူ့အဖေနဲ့လည်း ပိုတည့်လာပါတယ်။ အရင်တုန်းက (နှစ်နှစ်ပြည့်ခါစလောက်က) သူ့အဖေက အစသန်တော့ သူ့ကို အတင်းအကြပ် ပေါင်ပေါ်ထိုင်ခိုင်းရင် အရမ်းငိုပါတယ်။ အခန်းထဲမှာ တံခါးပိတ်ထားပြီး သူ့ပေါင်ပေါ်ထိုင်မှ ဖွင့်ပေးမယ်ဆိုတော့ မကျေမနပ်နဲ့ ထိုင်ပြီး တံခါးဖွင့်ခိုင်းပါတယ်။ နောက်တော့ ရှောင်နေတော့တာပါဘဲ။ အခုတော့ စရင် စမှန်းသိနေပြီ။ သူကတောင် တူတူပုန်းလိုက် ပြန်စလိုက် လုပ်နေတတ်ပြီ။ သူ့အဖေ လက်ဖက်ရည်ဆိုင်ထိုင်ရင်လည်း အိမ်ကနေ လှမ်းခေါ်တာတို့၊ လက်ဖက်ရည် လိုက်သောက်တာတို့ လုပ်တတ်နေပါပြီ။ သူ့အဖေက သူ့အရုပ်ကလေးတွေ ပျက်ရင် စိတ်ရှည်ရှည် ပြင်ပေးတာတို့၊ ဓါတ်ခဲကုန်ရင် ၀ယ်ပေးတာတို့ကြောင့်လည်း ဖြစ်မယ်ထင်တယ်။

ကောင်းကောင်းက သူ့အရုပ်ကလေးတွေကို ရိုသေပါတယ်။ သူများကို ပေးဆော့ပေမဲ့ ယူသွားလို့ မရပါဘူး။ နောက်ပြီး သူစည်းကမ်းရှိတာက မိုးရွာရန် လှန်းထားတဲ့ အ၀တ်တွေ ရုပ်ခိုင်းတယ်။ မသုံးတဲ့ မီးလုံးတွေကို ပိတ်ခိုင်းတယ်။ ညဖက်အိပ်ရင်လည်း ဘယ်သူမရောက်သေးဘူး၊ ဘယ်ဝါမလာသေးဘူးနဲ့ လူစုံမှ တံခါးပိတ်စေပါတယ်။ အသက် ၂ နှစ် ၉လမှာ ၂၅ပေါင်အထိ အလေးချိန်တက်လာတယ်။ နည်းနည်း ပြည့်ပြီးကြည့်ကောင်းလာတယ်။ အစားတွေလည်း တော်တော်စားလာတယ်။ သူ “ဒို့အရေးဆေး” လို့ ခေါ်တဲ့ ကြယ်ပွင့်ပုံ အပီတန်ဆေးလုံး သောက်လို့ ထင်ပါရဲ့။

အခုတော့ “စက်ဘီး၊ စက်ဘီး ၀ယ်ပေးပါ” လို့ ပူဆာတတ်နေပြီ။ သိပ်ငယ်သေးလို့ ၀ယ်မပေးသေးပါဘူး။

နောက် ၆လ တနှစ်လောက်ဆို မူကြိုထားတော့မယ်။ သူလဲ ပိုသန်လာမယ်။ အဲဒီတော့မှ ၀ယ်ပေးတော့မယ်လေ။

အချိန်နဲ့အမျှ သံယောဇဉ်တွေ တိုးလာခဲ့တာတော့ အမှန်ပါဘဲ။

ကောင်းကောင်း စကားပြောပြီ

ကောင်းကောင်း တနှစ်ကျော်ကျော်မှာ မတ်တတ်စမ်းလျှောက်ပါတယ်။ ထူးထူးဆန်းဆန်း ကောင်းကောင်းက ၀မ်းလျားထိုးတဲ့ လေးဖက်သွားတဲ့အဆင့်တွေကို ကျော်ဖြတ်ပြီး ထိုင်ရာကနေ မတ်တတ်စမ်းခဲ့တာပါ။ ဒါကလည်း ၀မ်းလျားထိုးတဲ့အရွယ်မှာ အားပြတ်နေတာ၊ လေးဖက်သွားတဲ့အဆင့်မှာ ဖယောင်းပုဆိုးချောချောကြီးပေါ် နေခဲ့ရလို့ ဖြစ်မှာပါ။ အစမှာ တဗိုင်းဗိုင်းလဲတော့ အဖွားပိန်က ထိမှာခိုက်မှာ စိုးရိမ်ပြီး ချီချီထားပါတယ်။ “ကျမတို့က ကလေးချိသွားလိမ့်မယ်၊ ချထားပါ” လို့ ပြောယူရတယ်။ ကျမအမေကတော့ သည်းလွန်းပါတယ်။ ကလေးမို့ လဲလို့ငိုရင် ကျမအဖေကို ဆူတော့ ပူတော့တာပါဘဲ။ ခေါင်းတွေဘာတွေ ထိရင်လည်း ညအိပ်မပျော်တဲ့အထိ စိုးရိမ်တတ် စိတ်မကောင်းဖြစ်တတ်ပါတယ်။ ကလေး ငိုရင်လည်း အဖွားပိန်က ချီလိုက် ချော့လိုက်နဲ့ အမြင်ကပ်လို့ ကောင်းကောင်းအဖေက “အဖွားပိန် ကလေးဆိုတာ ငိုမှ အဆုတ်အားကောင်းတာဗျ၊ ငိုပေ့စေ” လို့ ပြောတတ်ပါတယ်။ ကောင်းကောင်းက ငိုကြောမရှည်ပါဘူး။ ၀ါးကနဲငို၊ ခဏနေတိတ်ပြီး၊ တော်တော်လေးကြာရင် ထ ဆော့နေတော့ တာပါဘဲ။  

ကောင်းကောင်းက ကွေကာအုတ်သောက်ပါတယ်။ အိပ်ယာဝင်ခါနီးတစ်ထုပ်၊ တရေးနိုးတစ်ထုပ် အဖွားပိန်က ဖျော်တိုက်ရပါတယ်။ ဒုတိယတစ်ခွက်ကို မျက်လုံးမဖွင့်ဘဲ သောက်ပါတယ်။ ကျမတို့ ထမင်းဝိုင်းကို ကောင်းကောင်းက အမြဲလာလာရှုပ်တတ်ပါတယ်။ အခုဆို သူထမင်းစားစပြုနေပြီလေ။ အာလူးတို့ ပဲတို့ ဗူးသီးဖတ်၊ ဟင်းချိူ ကြိုက်ပါတယ်။ ငါးတို့ဘာတို့တော့ သိပ်မစားပါ။ ဘဲဥကိုတော့ သူအလွန်ကြိုက်တာမို့ ကျမအဖေဆီက သူအမြဲ တောင်းတောင်းစားပါတယ်။ ပန်းသီးမစားပါ။ သူအကြိုက်ဆုံးကတော့ လိမ္မော်သီးပါဘဲ။

နှစ်နှစ်မပြည့်တပြည့်မှာ သူ စကားစပြောပါတယ်။ ပထမဆုံးပြောတဲ့စကားက “ပါပီးယာ” တဲ့။ ဘာကို ဆိုလိုမှန်းမသိပါ။ နောက်မကြာခင်ဘဲ အဖွားတို့ အဘ တို့ ခေါ်တတ်လာပါတယ်။ သူကြိုက်တဲ့ ဘဲဥကို “ဘဲဘဲ၊ဘဲဘဲ” ဆိုပြီး အဖေ့ဆီက တောင်းတတ်ပါတယ်။ အိမ်အကူမလေး အိခင်ကို “အူပါး“ လို့ ခေါ်ပါတယ်။ ကိုရီးယားကားအမြဲကြည့်တဲ့ ကောင်မလေးက သင်ထားတာပါ။ ကျမတို့ကတော့ တစ်လခွဲ နှစ်လကြာမှ သူနဲ့ တခါတွှေု့ရတာမို့ ကောင်းကောင်းက သိပ်မရင်းနှီးသလို “ဖေဖေ” ”မေမေ”လည်း သင်ပေးပေမဲ့ မခေါ်တတ်ရှာပါဘူး။

ကျမ ၀ယ်လာပေးတဲ့ သိုးမွေးပွ ၀က်ဝံရုပ်ကြီးကို သူအလွန်ကြိုက်ပါတယ်။ “ကိုကိုကြီး” လို့ သူ့ဖွားပိန်က သင်ပေးထားပါတယ်။ သူအမြဲဖက်ဖက်ထားတတ်သလို၊ အရုပ်ရဲ့ အောက်ခြေချူပ်ရိုးစအကျဲထဲကနေ ဂွမ်းစတွေ ဆွဲဆွဲထုတ်တတ်လို့ ကိုကိုကြီးလည်း တော်တော် ပိန်သွားရှာပါတယ်။

နှစ်နှစ်သားမှာ ပန်ကာခလုပ်ကို ဖွင့်တတ်၊ ပိတ်တတ်နေပါပြီ။ ပန်ကာဖွင့်ပြီး လေ လာမလာ လက်ဝါးလေးနဲ့ကာပြီး စမ်းကြည့်တာတွေ့လို့ ကျမတို့ ရယ်ကြရပါတယ်။

ဖုန်းကို ခပ်တည်တည်ကိုင်ပြီး ပြောသလိုလိုလုပ်တတ်သေးတယ်။

ကြမ်းတိုက်တဲ့အလုပ်ကိုလည်း ၀ိုင်းကူပြီး လုပ်တတ်သေးရဲ့။

ဘာပဲပြောပြော တစစနဲ့ ကောင်းကောင်းဆိုတဲ့ လူအသေးစားကလေး ပုံပေါ်လာခဲ့ပြီပေါ့။

“

ကောင်းကောင်း တစ်နှစ်သား

ကောင်းကောင်းရောက်ပြီး နှစ်လလောက်အတွင်းမှာ ကျမအမေ အသည်းအသန်ဖြစ်သည်။ ဆီးချိူတွေ ဆောင့်တက်ကာ လည်ချောင်းတွေဆို့ ရင်ကြပ် ကျောက်ကပ်ပါ မကောင်းဖြစ်တာ ပင်။ တိုက်နယ်ဆေးရုံမှာ အခြေအနေမဟန်တာနဲ့ ရန်ကုန်အထိ ကားငှားပြီး ချက်ချင်းပို့ရသည်။ ဆာကူရာဆေးရုံရောက်တော့ အမေက သတိပင်မရတော့။ အားလုံးက မျက်စေ့မျက်နှာ ပျက်နေကြသည်။ ကျမလည်း အလုပ်ရှိရာကနေ ခွင့်ယူပြီး အမေ့ဆီ အမြန်လာခဲ့ရသည်။ အမေနေသော ၉ထပ် အခန်းနှင့် အောက်ထပ်ရှိ ဆေးကောင်တာ၊ ပထမထပ်က ဓါတ်ခွဲခန်းတို့ကို လွန်းပျံကူးခဲ့ရသည်။ စိတ်မြန်သောကျမက ဓါတ်လှေကားကိုပင် မစောင့်နိုင်ဘဲ ခြေထောက်နှင့် ပြေးတက်၊ ပြေးဆင်းခဲ့တာ အကြိမ်ကြိမ်ပါဘဲ။

အမေ နေတဲ့အခန်းက (၇)ယောက်ခန်း။ ဒါပေမဲ့ တိုက်တိုက်ဆိုင်ဆိုင် လူနာဆိုလို့ အမေရယ်၊ ရန်ုကုန်က အမေ့ညီမ၀မ်းကွဲ အပျိူကြီးတယောက်ရယ် နှစ်ဦး ဘဲရှိသည်။ ကျန်တဲ့ ကုတင်ငါးလုံးကို ကျမတို့ လူနာစောင့်တွေ မောင်ပိုင်စီး ထားလိုက်သည်။ ပုဂ္ဂလိကဆေးရုံ ဆိုတော့ သိပ်မတင်းကျပ်ပါ။ ဦးလေးအိမ်မှ နေ့စဉ်ထမင်းပို့လာသဖြင့် အဆင်ပြေသည်။ လူနာမေးသူတွေက တဖွဲဖွဲ။ အမေကတော့ သတိမရတချက်၊ ရတချက်။ အစားမ၀င်သဖြင့် အားပြတ်ပြီး တုန်တုန်ရီရီ ဖြစ်နေသည်။ ဆီးချိူဆိုတော့လည်း ရှောင်ရမှာတွေက အများသား။ ကြက်ပေါင်းရည်နဲ့ ပဲကြာဇံသုပ်ကို ပင်တိုင်ထားပြီး ချော့ကျွေးရသည်။ ငှက်သိုက်အစစ်ကို ပေါင်းကျွေးသည်။ လူနာလာမေးသူ အမျိူးတချိူ့က ဒီလူနာနှစ်ယောက် ဘယ်သူအရင်သွားမယ်မသိ လို့ နောက်ကွယ်မှာ မှတ်ချက်ချသည်။

ကောင်းကောင်းကိုတော့ နယ်ကအိမ်မှာ ဒေါ်အုန်းခင်နှင့် ထားခဲ့ရသည်။ တအိမ်လုံးမှာ နှစ်ယောက်သာရှိသမို့ သူတို့နှစ်ယောက် အတော်စည်းလုံးသွားကြသည်ထင်၏။ ကောင်းကောင်းက သူမနောက် တကောက်ကောက် အလျားထိုး လိုက်နေသည်ဟု ဆိုသည်။ အယူသည်းသော ရွာမှ ဆွေမျိူးတွေက အမေ့ရောဂါမှာ ဒီကလေး “ခိုက်”လို့ ဖြစ်ရတာ လို့ဆိုသည်။ ကျမကို တီးတိုးလာပြောကြပေမဲ့ ကျမကတော့ မယုံပါ။ သူတို့စိတ်ကြေနပ်အောင် အစီအမံတွေတော့ လုပ်ခွင့်ပြုလိုက်သည်။ ဘာတွေလုပ်သည်တော့ သေသေချာချာ မမှတ်မိ။ ငါးသက်စေ့လွှတ်တာဘဲ မှတ်မိသည်။

သေမင်းနှင့်စစ်ခင်းပြီး နိုင်ခြေနည်းနည်းပေါ်လာသည်။ အမေ ပထမဆုံးစကားစပြောနိုင်ချိန်တွင် ကျမကို ကောင်းကောင်း အကြောင်း ပြောတော့သည်။ ကောင်းကောင်းလေး ၀ လာပြီ ဆိုတဲ့အကြောင်း။ ၀ဲကလေးတွေ ပျောက်ပြီဆိုတဲ့အကြောင်း။ သူမ ထူထူထောင်ထောင်ဖြစ်လာတော့ သူများတွေပြောတဲ့ “ခိုက်“တယ် ဆိုတဲ့စကားကို တွင်တွင်ငြင်းသည်။ “အမှန်ဆို ငါဟာ သေမဲံ့ရောဂါဖြစ်တာ၊ ဒီကလေးအသက်ကို ကယ်ခဲ့တဲ့ကုသိုလ်ဆက်ပြီး ငါ့အသက်ပြန်ရှင်လာတာ” တဲ့လေ။ အပြစ်ဆိုသူတွေ အားလုံး ပါးစပ်ပိတ်ကုန်တော့သည်။

နှစ်လလောက်အကြာ အမေ ဆေးရုံဆင်းတော့ ပုံမှန်ဆေးစစ်၊ ဆေးသောက်ရတာမို့ ရန်ကုန်မှာဘဲ နေဖို့ စီစဉ်ရသည်။ စမ်းချောင်းမှာ တိုက်ခန်းကလေးတခုငှားပြီး (နောက်ပိုင်း ၀ယ်ပြီး)နေစေသည်။ အမေက အဖေနဲ့တကွ ကောင်းကောင်းတို့တတွေကိုပါ ပြောင်းရွှေ့လာစေသဖြင့် မကြာခင် စိုစိုပြေပြေ ဖြစ်သွားလေသည်။

ကောင်းကောင်းက နည်းနည်းချူချာသည်။ အသက်နှင့်စာလျှင် ကြုံလှီသည်ဟုဆိုရမည်။ အဟာရပြတ်သော ကာလများ ရှိခဲ့သည်ကိုး။ ကျမ ပထမဦးဆုံး သူ့ကိုမြင်တော့ (ဂ)လသားလောက်ရှိမည်။ သတိထားမိသည်က မျက်လုံးရွဲရွဲလေးများ။ ခေါင်းကလေးက နည်းနည်းကြီးသည်။ နဖူးလေးက မောက်သယောင်ယောင်။ အမေကတော့ ပြောပါသည်။ “ပြင်ရမဲ့အရွယ်မှာ ငါက ဆေးရုံတက်နေရတာကိုး၊ အခုတော့ အရိုးက မာပြီ” တဲ့။ ဒါပေမဲ့ ကျမအဖေ (ကောင်းကောင်းရဲ့ ဘဘ)နဲ့ ဒေါ်အုန်းခင် (ကောင်းကောင်းရဲ့ အဖွားပိန်) တို့ကတော့ ကောင်းကောင်း ချီးမွမ်းခန်းဖွင့်မဆုံးကြ။

ကောင်းကောင်းက ရေအလွန်ကြိုက်သည်။ သူ့ကို ရေချိူးမည်ဆိုလျှင် ရေထဲမှ ပြန်မထွက်ချင်။

နောက်တခုက သူအတုခိုးတတ်သည်။ အလုပ်လုပ်ချင်သည်။ အိမ်က လက်တိုလက်တောင်းလုပ်သည့်ကလေးမလေး (အိခင်) တံပျက်စည်းလှည်းသည်ကိုကြည့်ပြီး သူလည်း လိုက်လှည်သည်။ ကြည့်ပါဦး။

သူ့အသည်းစွဲကတော့ သူ့အဘ (ကျမအဖေ) ပင်ဖြစ်သည်။ အပြင်ထွက်လျှင် အော်ငိုတတ်သဖြင့် တဖက်လှည့်နှင့် ရေချိူးခန်းထဲမှာ ရေဆော့ခိုင်းထားရသည်။ လှေခါးကတက်လာသော သူ့အဘ ခြေသံကို သူခွဲဖြားမှတ်မိတတ်ပြီး အိမ်တံခါးဖွင့်ပေးဖို့ သော့ကို ညွှန်ပြတတ်လေသည်။

တနေ့တခြား ကျမတို့အိမ်မှာ ကောင်းကောင်းက အခရာ ဖြစ်လာခဲ့လေသည်။

ကောင်းကောင်း နှင့် တွေ့ဆုံခြင်း

၂၀၀၈ သြဂုတ်လရဲ့ ရက်တရက်မှာ ကျမအမေက ထူးထူးခြားခြား ဖုံးဆက်လာပါတယ်။

“သမီးရေ.... ကလေးလေးတယောက် မွေးဖို့ သူ့အဖေကိုယ်တိုင် လာပေးနေတယ်။ ယူထားလိုက်ရမလား” တဲ့။ ”ဘာလေးလဲမေမေ” မေးသာ မေးရပေမဲ့ ကျမအတွက် ယောကျာ်းကလေးဘဲဖြစ်ဖြစ် မိန်းကလေးဘဲ ဖြစ်ဖြစ် အတူတူပဲ သဘောထားတာမို့ ထူးခြားမှု မရှိလှပါဘူး။ “ယောကျာ်းလေး၊ ခြောက်လလောက်ပဲရှိမယ်၊ အသားဖြူဖြူ၊ ခြေတံလက်တံ ရှည်ရှည်လေးနဲ့၊ သူ့အမေက ဆုံးသွားတာ” ၊ ကျမအမေအသံက လိုလိုလားလား တိုက်တိုက်တွန်းတွန်း ရှိနေပုံပေါ်ပါတယ်။ တကယ်က ကျမကိုယ်တိုင်လည်း လက်ထပ်တာ သုံးနှစ်ရှိပေမဲ့ သားသမီးမရသေးတာမို့ ကလေးလေးတယောက်တော့ မွေးစားချင်နေတာပါ။ ဒါပေမဲ့ အလုပ်ခွင် ၀င်နေရသူမို့ ကိုယ့်အလုပ်နဲ့ကိုယ် မအားလပ်နိုင်ဘဲ ကလေးတယောက်ကို အသည်းအသန်တော့ လိုက်မရှာမိသေးပါ။ ခုလို ရေကန်အသင့် ကြာအသင့်ဆိုတော့။ “မွေးလိုက်ပါမေမေ“

ကလေးအဖေက ငွေကြေးတပြားတချပ်မှမယူဘဲ လူကြီးစုံရာနှင့် လက်မှတ်ထိုးပြီး ကလေးလေးကို ပေးခဲ့သည်။ ကျအအမေက အဖေါ်ပါလာသူကို လမ်းစရိတ်ငွေအချိူ့ ပေးလိုက်ပါသည်။ အမေ့နို့မစို့ရသောကလေးငယ်ကလေးက ပိန်လှီပြီး ၀ဲကလေးတွေ တော်တော်ပေါက်နေသည်။ မိခင်ဆုံးပြီး သုံးလေးလအထိ ကြိုးစားပြီး နို့အငှားတိုက်ပေမဲ့ ကြာရှည်မှာ မဖြစ်နိုင်တာရယ်၊ လက်လုပ်လက်စားမို့ ကလေးကို တကူးတက ကြည့်မနေအားတာရယ်နဲ့ ကြာရင် ကလေးအသက် စိုးရိမ်ရလို့ ဒီလိုပေးလိုက်ဖို့ကို ဆုံးဖြတ်လိုက်တာ ဖြစ်ပုံရသည်။ ရိုးသားအေးဆေးတဲ့ ကျမတို့ မိသားစုအကြောင်း အများပြောတာနဲ့တင် စိတ်ချ ယုံကြည် သွားတာနဲ့ သူနေသော ရွာကလေးသို့ ပြန်သွားခဲ့လေသည်။

တကယ်တန်း ကရိကထ ခံရသူက ကျမအမေဘဲ ဖြစ်ပါတယ်။ အသက်ခြောက်ဆယ်ကျော်မှ ကလေးနို့ဗူးတိုက်ရ၊ အနှီးလဲရ နဲ့။ သူမကို အားပေးသူတွေရှိသလို ဒူက္ခရှာရန်ကောဆိုပြီး အပြစ်တင်သူတွေလည်းရှိပါတယ်။ အဲဒီအထဲမှာ အမေနဲ့ ညီမ၀မ်းကွဲတော်သူ မုဆိုးမ ဒေါ်အုန်းခင်လည်း အပါအ၀င်ဖြစ်သည်။ တယောက်တည်းနေတဲ့ သူမကို ကလေးကူကြည့်ပေးဖို့ အမေက အကူအညီတောင်းတော့ စိတ်မပါတပါနဲ့ ရောက်လာပြီး “မမကြီးနှယ်၊ ပေါက်ပေါက်ရှာရှာဟယ်” ဆိုပြီး အိမ်ထဲကို ဆောင့်ဆောင့်အောင့်အောင့် ၀င်သွားခဲ့တာ။ အိမ်ရှေ့ခန်း အနှီးထုပ်ထဲက ကလေးကို စေ့စေ့တောင် ကြည့်မသွားခဲ့။ (နောက်တော့လည်း သူသာ အကဲပို သည်းသည်းလှုပ်တော့သည်)

အမေက အဖွားနေရာခံယူပြီး ကလေးလေးအမည်ပေးဖို့ အမေဖြစ်သူ ကျမကို လှမ်းမေးပါသည်။ ကျမ ခေါင်းစားရပြီပေါ့။ နံမည်က ရိုးရမယ်၊ ရှင်းရမယ်၊ လှရမယ်။ ကြားဖူးနေကျလည်း မဖြစ်ရဘူးပေါ့။ အင်း..... ဘယ်လိုပေးရပါ့။ သူ့အဖေနံမည် ထည့်ဖို့ကလည်း သိပ်အဆင်မပြေ။ ကျမ အဆိုတင်သွင်းသော “လင်းသီဟ” “ဇွဲ” “ထက်မြက်ဇော်” တို့ကို အမေက ဘယ်သူ့သားနဲ့ ဆင်လို့ စသဖြင့် အကြောင်း အမျိူးမျိူးနဲ့ ပယ်ချခဲ့ပြန်သည်။ ဒါဆိုလည်း နံမည်အတည်ကို ဖြေးဖြေးမှ စဉ်းစားရအောင်၊ အိမ်နံမည် အရင်မှည့်ထားမယ် “ကောင်းကောင်း” လို့ ကျမကပြောလိုက်သည်။ အတိတ်နိမိတ် ကောင်းသည်ဟု ယူဆလေသလားမသိ။ အမေက လက်ခံ အတည်ပြုလိုက်ပါသည်။

ကောင်းကောင်း။ ကောင်းကောင်း။ ဒီလိုနဲ့ ကောင်းကောင်းက ကျမတို့မိဘအိမ်မှာ ဆူဆူညံသော ဆည်းလည်းကလေး ဖြစ်လာခဲ့လေသည်။

Hello :-)

Dear Visitor.......

This is a diary-like record of a kid, my son. It is a semi-public, which I provides link for my close friends obly.   One day, we (my son and myself) might like to look it back together and smile.    It is just for the record on sweet memories. It is up to my son if he wish to continue this blog diary after the age of 16.

Moe Sett Pwint